كلمات ترنيمة
باركتك شفاهنا يا إلهنا
*

حمد وعيد شعب جدل من زهر الشكر تيجان
رافعاها إيد شاهدة مع القلب الفايض عرفان
(متشكرين على كل شيء
مطمئنين لك في الطريق)2

ننسى ازاي إن اللي قلنا عليه: شر كبير
شفنا ازاي إتحول لنا بعنايتك للخير
(متشكرين على كل شيء
مطمئنين لك في الطريق)2

حتى الجراح شقت في قلوبنا للنور فتحات
وقت أمّا لاح الصبح وبَدَل النواح رقصات
(متشكرين على كل شيء
مطمئنين لك في الطريق)2

وف كل يوم بيعدي بنعد الإحسان ونقول:-
حبك عظيم وبرحمتك تحملنا جيل ورا جيل
(متشكرين على كل شيء
مطمئنين لك في الطريق)2

هللويا صحوا الرباب والعود وباقي الآلات
وبالفرح يا شعب الإله علوه بأحلى الكلمات
(متشكرين على كل شيء
مطمئنين لك في الطريق)2

مباركٌ من الأزل وإلى الأبد يا الله
و لاسمك تنغم وتسبح الأفواه
(متشكرين على كل شيء
مطمئنين لك في الطريق)2