أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
صعب الفُرَاق
*
|
|
* و مهما يعلى و يدوي صوت الانفجار
و مهما فيكي او فينا بيسيب اثار
اللي يعيش فيكي يعيش لو حتى مات
نفديكي مهما الدم غطى الايقونات
* يا كنيستي طيري للسما لحضن المسيح
الموت معاه يبقى حياة و الوجع بيكون مريح
قول يا شماس اللحن و اعزف بالدفوف
غمض عينيك رحت السما فتحها شوف
* صعب الفراق .. علشان كدة لقيتني بكيت
شهدا كنيستي وسطهم انا اتربيت
خورس سماوي بتونية بيضا و خوص جديد
و دمهم بيرجع اللي كان بعيد
* إختار إلهنا ملايكة عاشوا في إستعداد
دي كنيستي عايشة في إنتصار و مفيش حداد
اما الشيطان و جيوشه دايما في انهزام ..
طبطب على قلوبنا يارب ابعت سلام ..
____________________
* كلمات: مايكل مجدي، إيريني عماد – ألحان: مايكل مجدي –
ترنيم: كورال إيبارشية طنطا و توابعها: كورال نبرة فرح (أداء: مايكل سمير –
مايكل مجدي – بيشوي عشم – صموئيل جمال – مرقص سليم – جورج وجيه – سارة فكري –
مادونا نبيل – جوسيان رأفت – يوستينا صموئيل – مريم مسعد – ماري جورج – مونيكا
منصور).
* عن شهداء طنطا الأقباط.