أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
مصر بتندهك
*
|
أرضها
الطَّاهره ونيلها
كل شبر مشيت عليه
رملها حتى ونجيلها
إنت جيت وبارِكت فيه
وسايب وعد بالبَركه
لشعبك إللى جوَّاها
سامحنى . إزاى بقى بتِرضَى
بأوجاعها وشكواها
***
يارب مصر بتندهك .. إبعت لمصر سلام
سايبين بلادنا بين إيديك .. وده
آَأْمَن مَكان
***
فيه ديابة كتير جعانه
سَنَّه أنيابها الوحوش
فيه أسَد غالب معانا
غيرُه مين عَنَّا يِحُوش
بيوتَك فيها إحميها
خرافَك يا آبو قلب كبير
عَشان إنت مِراعيها
يناموا ويصبَحوا على خير
***
كُل شارِع كُل حِتَّة
صَحَرا أو وادى وِدِلتا
يا إلهنا باركهم إنتَ
رجَّع الأفراح لِمَصر
شِيل دُمُوعها مِن عينيها
شيل حُمُولها مِن عَليها
طَمِّن النَّاس إللى فيها
حَوِّل خُسارِتهُم لِنَصر
____________________
* كلمات الشاعر: رمزى بشاره – ألحان وتوزيع: حاتم منير
