أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
يا سحابة الشهود
*
|
|
القرار
يا سحابة الشهود يا مضللة علينا
بعتنالك ولادنا نورنا وضي عنينا
أرواحهم الطاهرة بترنم من حوالينا
احنا أولاد الشهداء وتاريخهم بيقوينا
1-
أصرخ بصوتي العالي
بسأل عن ابني الغالي
فينك يا ولدي وعمري
يا عزوتي ورأس مالي
دمك قسم ظهري
والجرح كان فيها
2-
بتبكي ليه يا
أمي أنا في السما متهني
يوم ما الجحود ظلمني
وبسيف قريب طعنني
روحي فاضت تغني
ترنيمة بتروينا
3-
شهداء صحيح لكن
على اسم فادينا
تتبدل الاماكن
نصيبنا ينادينا
أحنا وطننا سماوي
كاتب آسامينا
4-
عارفين يا حبايبنا
إن السماء ضماكم
لكن الفراق
تعبنا وقلوبنا بتترجاكم
صلوا من أجل أخواتكم
الرب يحن علينا
يلهمنا الصبر
ويمسح الدمعة من عينينا
5-
مع كل صباح بيطلع
ونوره يملى الكون
الدم بيزرع
وردة مرويه من العيون
مش ممكن أبداً
ننسى أو هتنام الجفون
دايماً ذكراكم عايشة
في قلوبنا بتعزينا
____________________
* كلمات: سعيد يوسف – ترنيم: خورس قناة سي تي في (مريم حلمي،
سارة معروف، سوزان سعد، يارا إدوارد، مايكل فايز، ممدوح سمير، شادي شوكت، مينا
القمص كيرياكوس).
