أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
عدت أيام علينا، شُفناك ولمسنا إيدك
*
|
|
أبداً مش زي زمان مش هانعيش لك يا زمان
نتحسر ع اللي فات ونقول ده كان وكان
أبداً مش زي زمان هانكون أعظم بكثير
من قوة لقوة حياتنا من مجد لمجد نصير
عدت أيام علينا شفناك ولمسنا إيدك
شجعت قلوبنا جداً وروانا نهر جودك
عبرت لكن آثارها أطياف بتمر بينا
وتساؤل في داخلنا راح تيجي تاني لينا
ذكراها عايشة فينا وكلام من غير ردود
وحرارة في داخلنا مع شوق ليها تعود
هل ممكن تيجي تاني أيام زي اللي راحت
ترجع تشرق علينا تاني الشمس اللي غابت
جاي لنا زمان محبة وأوان للافتخار
وسكيب المجد تاني فيضان جاي في الميعاد
ماضينا كان مجيد بس اللي جاي مجيد
وفرحنا راح يدوم من غير حدود هانسعد
وكنيسة مجيدة جداً هاتفوق كل اللي فات
جبارة قوية غالبة وتفيض بالتعزيات
وسكيب النار بقوة والروح هايهب تاني
مجد البيت الأخير أعظم م الأولاني
____________________
*
