أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
كثيرة أمانتك
*
|
|
1- أنا واثق في حضنك يا إلهي وبإيماني شايف يا ربي إيديك
بتحاوطني وتلاحظني وبتصوني تحملني واسمي منقوش على كفيك
أنا عارف إنك جانبي يا إلهي وهضابي تمهد وقدامي تسير
صلاتي بتسمع ودموعي تحفظها وقدامك أنين الأسير .. ( كثيرة أمانتك )3
2- لما قدامنا تتقفل كل أبوابنا تجي إنت بنفسك في وسطينا تقول :
دا سلامي سبته ليكم وباديكم مش زي العالم دا يفوق العقول
وان مره بأمرك هاجت ريح مخيفه تجارب تجي وع الاكتاف أحمال
كأب تترأف كأم تعزينا وما بتجرب فوق الاحتمال .. ( كثيرة أمانتك )3
3- إن في يوم خنتك ها تفضل للنهايه أمين ما بتنكرش نفسك ولا يوم
كل دقيقه في عمري بتشهد إنك إنت الله اللي بيرعاني لحد اليوم
وكل كلمه صالحه إديتها لينا مش ممكن تسقط كلمه واحده منها
للدهر ثابته أساسها في شخصك دي مواعيد عظيمه وهبتها .. ( كثيرة أمانتك )3
4- رحمتك بتقدمني وبتحاوطني وبتتبعني وبالرأفة تكللني
ولا بتمنع عني خيرك ولا جودك لا يمكن يوم ها تتخلي عني
تفتح كوى السما وتفيض علي إحسانك لي أبداً مش هايزول
قدام ألطافك حقيقي صغير للملا هاشهد عنك وأقول .. ( كثيرة أمانتك )3
____________________
*
