أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
وحشني حضنك
*
|
|
(( قرار))
بجرى عليك بلاقى فيك حضن دافى يضمنى
واما بغرق بلقى ايديك انت يارب تشدنى
وازاى نهايتى تبقى موت وانت يارب خلقتنى
عشان اعيش فى سماك كابن بار بتحبنى
الحضن غاب لما خدعت نفسى ونسيت انا ابن مين
سبت ايديك وقلت لازم أمشى هانت عليا عشرة سنين
انا رسمت طريق ضياعى ولشهواتى كنت اسير
رغم عندى وبعدى لسه .. انت حاسبنى من البنين
الكل باعنى وبقيت لحالى وف احتياجى عشت سجين
سوء قرارى .. كان اختيارى .. ولسه جوايا الحنين
لبيت ابويا ارجع واقوله .. اخطيت .. احسبنى أجير
اقبلنى عندك وحشنى حضنك داويلى قلبى العليل
ومهما كان مقفول بيبان قصادى يارب قلبك مفتوحلى
مستنى دايما وبلهفة رجوعى قبل ماجيلك بتروحلى
منك يارب انا خجلان بعد ما بعتك لسه قابلنى
بكل حب ناسى الماضى ولسه بتقولى ياابنى
____________________
* كلمات: حنا كيرلس – ألحان: ماجد موسى – ترنيم: ساتر ميخائيل.
