أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
وِبْتِعْفِي عَنِّي
*
|
|
وبتعفى عنى حتى لو
ذنبى خطير
وبتجبر القلب اللى بالألأمات كسير
وتطيب الروح حتى لو فى جروح كتير
وفى بير غويط اسرارى لما بتتحكيلك
يا اب حانى فى عجزى
بتعكز عليك
جايب حياتى راميها كلها بين ايديك
بدل وغير فيا زى ما يحلى ليك
على ضهرى زاد حملى يا طيب بشتكيلك
وانا عارف انى اغلى
من ننى عنيك
رجعنى ليك قوينى بيك ثبتنى فيك
اسف على الوقت اللى كنت بعيش ناسيك
ياحب عمرى قلبى جاى بينحنيلك
ورحوم وغافر وفى
حنانك منلاقيش
فى الشده ليك وقفات كتيره ماتتنسيش
واللى يعيش وياك حياته ماتنتهيش
والفرحه فيك ومافيش فى كل الكون بديلك
____________________
* كلمات: أبونا أثناسيوس وجيه – ألحان: باسم فوزي – ترنيم:
فريق المس إيدينا.
