وافق انه ياخد تكليف مختلف ..
وافق انه يتجوز واحده حامل😱
غامر بكل حاجة حرفيًا. …
غامر بشكله وسط جيرانه ومعارفه..
لو كان قال مش قادر امشي السكة ماحدش كان هيلومه..

(((ده يوسف النجار ))) …

الكتاب بيحكي ان يوسف ومريم طول الوقت كانوا مع بعض في تربية يسوع

كان بياخده من ايده يمشي معاه في الشارع
وعلمه النجارة ووداه الهيكل..
كل ده وهو مش ابنه اللي من صلبه؟

كل ده كان غريب للمجتمع اليهودي وللعادات والتقاليد

اتحمل اتهام الناس سواء كانوا فاهمين ان الطفل ده ابنهم أو مش ابنهم.. الموضوع كله صعب🥺 … بسسسس
👈🏻 كان اد المسؤلية جدا …
👈🏻صدق…
👈🏻اطاع كلام الملاك ليه ..
اكيد العلاقة بينه وبين الله كان فيها رصيد كبير من المواقف زمان،
علاقة بتتبني كل يوم😇

لولا يوسف كان هيبقي في جزء مش مكتمل في القصة ..
يوسف كمل الجزء بتاعه بطاعته لكلام الله بكل حب😍

وعشان كده لما جه الموقف وقال له يعمل كده وافق🙏🏻 ….
موقف كبير جدًا علي أي راجل ..
ازاي عينه كانت مفتوحة إنه يصدق في الملاك وفي كلام الله كده ؟
مش عارفة في النهارده يوسف النجار تاني ولا لأ🤷🏻‍♀️
اللي مقرر يوافق إنه يطيع كلام الله
مهما كان صعب💜