مفهوم البركة بيختلف من حد للتاني .. ومن زمن للتاني
لكن كام مرة حاولنا نفهم أكتر صلاة بنكررها “يارب باركني” 🤲🏼
لأنه ساعات كتير فعلا لما باستنى لمسته بالبركة، بأكون مش متخيل أوي أنا عاوز ايه!!
زمان في القديم كانت البركات كلها مادية، فلوس، ممتلكات، أرض، حصاد وفير، نسل، عمر مديد 💰🏞️🏡
وجه الهنا بمفهوم جديد عن البركة … بركة مختلفة .. بركة “روحية”
في صلاتي “يارب باركني” .. باتخيل أنه في احتياجاتي بيغنيني ويشبعني، في شغلي بينجحني، في صحتي بيقويني، حتي أولادي أنه يحافظ عليهم .. والحقيقة هو بيستجيب
لكن في وسط ما أنا مشغول في حياتي ببركاته المادية .. بتكون أشواق قلب أبويا أن يلمسني بركة أبدية ..
بولس بيعرفنا أن إلهنا عاوز يباركنا “بكل بركة روحية” في السماويات .. بركة روحية “أبدية” فيها بنشوفه .. بنعرفه .
. بنستمتع بوجوده في تفاصيل حياتنا .. بركة “تشبع” أرواحنا .
. بركة تدينا “نصرة” علي أجناد الشر الروحية .. بركة تعلمنا نسجد ونخضع ليه “كل يوم” .. بركة “تنعش” أرواحنا المتواصلة معاه ..
إلهي باسجد قدام جلالك على وجودك وبركتك لحياتي ..
باشكرك علي كل البركات المادية الوقتية اللي بتمتعني بيها .
. وعلمني احط عيني علي لمستك الأبدية للبركة لحياتي.