فلتترأف وتنظر
وتحنو الان يارب
لكل طالبيك
اللى فى العمليات الأن
والمنتظر وعشمان
واللى فى ضيقه تعبان
واللى حمله تقيل وقلقان
واللى شايل الهم ومش عارف ينام
واللى مستنى نتيجته تبان
واللى على ابواب امتحان
واللى حياته ملخبطه وتايه وهلكان
انظر يارب
كتير اوى مستنين واكترهم محتاجين
لمسه من ايدك او كفاية نظره من عينيك
كلمه من سماك أمر من علاك
قول كلمه تغير الحال
ده كتير عشمهم طال
كتير متألمين خلاص مش متحملين
يبانوا انهم قادرين وجواهم مخبيين
كلمه منك تريح لمسه بس تعين
اصل مفيش غيرك بيشوف التعبانين
المرضى اولهم يا معين دول اهم المتألمين
الحزانى والمستضعفين واللى من غير امل فى حياتهم متعذبين
البائسين واليأسين واللى دابت روحهم وعاملين انهم ناسين
اللى فضيقه والممتحنين واللى رافع عينيه بيقولك يارب
مليش غيرك يتحنن !! اتحنن يارب عليه
وعلى كل اللى عليك متكلين ..
