قلتلو: يا رب، وينك؟
قلّي: أنا هون حدّك..
قلتلو: بس أنا مش دايمًا عم إقشعك!
قلّي: لأنك مش دايمًا عم تطلّع فيي..
قلتلو: أنا مزعوج، لأن بقعد بدي صلّي وإحكيك، ما بقدر..
قلّي: ورغم هيك عم ضل إسمعك.. أنا بقرا قلبك
قلتلو: عم خاف.. عم حس أحيانًا إني وحدي وإنك ما عم تحميني!
قلّي: ما بقدر فرجيك كل الإشيا اللي عم إبعدا عنك وإحميك منها، بيجي وقت وبتفهم كل شي..
قلتلو: بخاف من حالي أوقات، بخاف شي نهار ضيع أو إبعد عنك!
قلّي: ما تخاف، لأن رح إلحقك..
قلتلو: بس عم حس إني وحيد، عم إنسى أوقات إنو عندي بَي..
قلّي: ما تخاف، أنا مستحيل إنسى إنو عندي إبن..
قلتلو: عنجد إنتا موجود؟
ما قال شي.. سكَت.. وابتسم.. ابتسملي من قلبو
الأب بيتر حنا