أرشيف كلمات الترانيم المسيحية | قاعدة بيانات الأناشيد الروحية على
الإنترنت
فهرس الترانيم | ترنيمة مكتوبة | نص الترتيلة
كلمات ترنيمة
ليلة راس السنة في كنيسة القديسين
*
|
ليلة راس السنة
فى كنيسة القديسين
المره دى هنا
المره جايه فين!
دخلنا عشان نصلى
وخرجنا عشان نقابل
إنفجارات القنابل
وهجوم المُجرمين
موازين العدل مالت
وحتَّى الرَّحمة زالِت
مُتنا ودمانا سالت
والدور الجاى على مين!
لكن بنقول يؤسِفنا
الموت مش بيخَوِّفنا
إيه يعنى الجِسم يِفنَى
ده إحنا بالرُّوح خالدين
يا مَصر دى مش طِباعِك
دى ناس عايزين ضَياعِك
طُول عُمرِك فيكِ أحمَد
وشنودة مِتصَاحبين
دِينِك لِلَّه سيبيه
هُوَّ يحاسِب عليه
هُوَّ إنتى جرى لِك إيه
يا أرض الطيبين
ومهما عملتوا فينا
إيماننا لِسَّه فينا
فيه قائِد للسَّفينة
هيكون لينا مًعين
هنفضَل زى ماإحنا
ماسكين فى إيدين مسيحنا
بندوس على أى مِحنه
ونموت ونقول ترانيم
____________________
*
كلمات الشاعر: رمزى بشاره – ألحان وتوزيع: حاتم منير
