الحَجِّر الصحي🥺
كلمة سمعناها كتير الوقت اللي فات، بس اللي جربها يعرف قد أيه وقت صعب 😩…
لما تكون لوحدك وتعبان وأقرب ما ليك مش عارف يشوفك أو حتى يطبطب عليك☺️
في واحد في الكتاب المقدس كان مريض مرض شبه ده
مرضى قد أيه كان صعب “مرض البرص”وده كان من أصعب الأمراض و بيدمر الجسم وأوقات مكانش ليه علاج ….
مش كفاية التعب عليا… لكن الناس كانت بتبعد عني ما هو أنا “نجس”😭
ولما أحس أني خفيت أعرض نفسي على الكاهن وهو يعلن طهارتي من البرص…
ياااااه أمتى اللحظة دي تيجي🤩
لكن في يوم أنا والتسعة التعبانين اللي معايا حصلت مقابلة معانا غيرت حياتنا🧐…
عارفين… جالنا واحد جميل قبلنا بمرضنا وبنجاستنا لا خاف مننا ولا بعد عننا ولا حتى كان قرفان مننا 💜
وقالنا روحوا للكاهن عشان تتأكدوا أنكم أتشفيتم🙌
أيه ده أحنا لسه تعبانين !! وياعالم لما الكاهن يشوفنا ممكن يعمل معانا أيه 🤦♂️…
لكن صدقناه وروحنا للكاهن واحنا في طريقنا حصلت مفاجأة معانا😲
كل واحد فينا أحنا العشرة اتشفى بالكامل 👀
المسيح مش بس لمس أجسادنا المريضة المتألمة🫂…
لكن كمان ده شفى نفسيتنا المجروحة💔 وشعورنا بالرفض اللى كنا بنشوفه في عين الناس…
اليوم اللي جالنا وقابلناه فيه كان يوم تغيير وشفاء مجيد🙌
ورجعت وشكرت المسيح على الشفا…
متنساش تشكر الرب على مقابلته
متنساش تشكره على قبوله ليك بضعفك وتعبك وجرحك
متنساش تشكره على أي حاجة عملها معاك …
مقابلة_مُغَيِّرة🤝