وصلي يعبيص قائلا ، ليتك تباركني وتوسع تخومي، وتكون يدك معي وتحفظني من الشر لئلا يتعبني ”
_ فأتاه الله بما سأل 🌈✨
لما بنقرا ف سفر اخبار الايام الاول بنلاقي اول ٩ اصحاحات منه كلهم سلسلة انساب حوالي ٦٠٠ اسم الا واحد بس وسطهم ف اصحاح ٤ الله يتكلم عنه ويميزه ” يعبيص ” ❤️
يعبيص كلمة عبرية معناها الالم ”
وسمته أمه يعبيص قائله لاني قد ولدته بحزن ”
ياتري ليه الله ميز يعبيص ، عمل ايه عشان يبقي فوق المستوي الطبيعي للي حواليه .. ؟
١_ الطموحات العظيمة : في الوقت اللي كل اللي حواليه كانوا عايزين يعيشوا حياة عادية إلا أن يعبيص وقف صلي وقال ” ليتك تباركني وتوسع تخومي ” .. كان عنده طموح كبير جدا وبيطلب بركة ربنا 💖
الله مش عاوزنا نعيش بفتور واحنا طول الوقت بندور علي هدفنا ف الحياة ، لازم نركز ويكون عندنا هدف واضح وطموح عظيم 🤗💖
٢_ ايمان قوي : ودا المبدأ التاني عشان نعيش حياة فوق عادية .. الايمان 🤩
يعبيص كان عنده ايمان وثقة عميقة أنه لما هيقف يصلي ويطلب احلام كبيرة الله هيستجيب ❤
اول حقيقة عنه الكتاب مذكرش اي موهبة او تعليم أو غني او حاجة خارقة ف شخصية يعبيص غير أنه صلي بإيمان فوق العادي .. الايمانبيدي القوة حتي لو امكانياتنا قليلة ! 💙
الحقيقة التانية بقي أنه معني اسمه الالم ، واحد طول الوقت بيسمع كلام سلبي بسبب اسمه اكيد كان شخص غير مرغوب أو محبوب ، لكن يعبيص كان اقوي من كل المعوقات وإيمانه خلاه يتعلق بربنا اكتر من الناس 🤗💖
٣_ الصلاة الصادقة والأمنية : اول حاجة ف صلاته أنه وقف يطلب أعظم قوة ف الكون تباركه وتوسع تخومه ودي عمرها ما كانت صلاة أنانية لا .. لأن الله بيحب طموحنا وبيفرح لما نطلب بركته كمان 💜
تاني حاجة بقي أنه كان واثق أن الله هيباركه ويوسع تخومه فبدأ يطلب معونه إلهية ” وتكون يدك معي ” ❤️🤗
تالت حاجة بقي لما هيبقي عظيم واملاكه كتيرة الناس هتبدأ تطمع فيه فطلب حماية إلهية ” وتحفظني من الشر لئلا يتعبني ” ❤️
رسالة يعبيص لينا النهاردة ✨ :
لو عاوز حياة فوق عادية ومميزة ..
ابدأ كل يوم بصلاة بسيطة اوي مليانة طموح وأحلام .. وخليك واثق ف ربنا ❤️ ..
لانه قادر ان يفعل فوق كل شيء أكثر جداً مما نطلب أو نفتكر 💖🌱
