لما أبونا آدم أخطأ وعصى وصية الله في الجنة،
الكتاب المقدس بيقول لنا
إن في نتائج حصلت له بسبب الخطية..
واحدة من النتائج دي إنه أصبح عبد للخطية..
وده اللي قاله السيد المسيح:
“كل مَنْ يعمل الخطية هو عبد للخطية” (يو8: 34)
وده معناه إن حياة الإنسان بالكامل بقيت ملك للخطية..
وعلشان يتحرر من عبودية الخطية،
محتاج يدفع تمن الفداء منها وهو حياته..
لكن للأسف مفيش إنسان حياته توفي تمن الخطية،
لأن كل البشر خطاة..
لكن لما المسيح اتصلب على الصليب ومات..
دفع تمن الخطية بالكامل عن كل البشر،
لأن المسيح عاش بدون خطية..
وقدم حياته فداء للكل..
“الذي بذل نفسه فدية لأجل الجميع” (1تي2: 6)
وكما إدانا حرية من عبودية الخطية..
“فَإِنْ حَرَّرَكُمْ الابْنُ فَبِالْحَقِيقَةِ تَكُونُونَ أَحْرَارًا.” (يو 8: 36)،
قدام صليب المسيح وفداءه،
منقدرش نعمل حاجة غير إننا نقوله..
شكراً لأنك فديتني من عبودية الخطية ❤ ☺️